ფონდი ბილივი დაარსების დღიდან საქველმოქმედო, კულტურულ და საგანმანათლებლო საქმიანობას ეწევა.  დაარსების aდღიდან ფონდის მთავარი ღირებულება გამჭვირვალობა და ანგარიშვალდებულებაა დონორ და მხარდამჭერ ორგანიზაციებთან. სწორედ ამ მიზნით ბილივმა  წლის შემაჯამებელი საანგარიშო შეხვედრა გამართა დონორი ორგანიზაციებისათვის, სადაც ფონდის წარმომადგენლებმა წარადგინეს განხორციელებული საქმიანობის ანგარიში. 

აღსანიშნავია, რომ შეხვედრაზე საუბარი წარიმართა როგორც დასრულებული, ასევე მიმდინარე და სამომავლო პროექტების შესახებ. შეხვედრა ინტერაქციული ხასიათის იყო საინტერესო უკუკავშირით გამოირჩეოდა როგორც ბიზნეს, ასევე საჯარო სექტორის მხრიდან. 

„უპირველეს ყოვლისა მინდა მადლობა გადავუხადო ფონდი ბილივის დამფუძნებლებს, ხელმძღვანელებს, იმ დიდი საქმისათვის რასაც ისინი აკეთებენ ჩვენი ქალაქისთვის, ჩვენი ქალაქის შეჭირვებული მოსახლეობისთვის, პატარა ბავშვებისთვის და ნამდვილად გრძელია იმ ადამიანების სია, ვისაც ბილივმა ცხოვრების ხალისი შესძინა. ჩვენ უკვე მრავალი წელია ვთანამშრომლობთ და მე ვისურვებდი, რომ აი ასეთი კარგი ორგანიზაცია მრავალი იყოს ჩვენს ქალაქში.“ - განაცხადა ქალაქ ფოთის მერმა გოჩა კურდღელიამ.

ასევე, შეხვედრაზე ფონდის საქმიანობას გამოეხმაურა მიკროსაფინანსო ორგანიზაცია კრისტალის ხელმძღვანელი მალხაზ ძაძუა: ,,ჩვენს კომპანიას უკვე, რამდენიმე წელია რაც ნაყოფიერი და საინტერესო თანამშრომლობა აკავშირებს ფონდ ბილივთან. ჩვენ მხარს ვუჭერთ ფინანსურად მათ რამდენიმე პროექტს, მათ შორის აღსანიშნავია ბავშვთა პროგრამები. ძალიან კმაყოფილები ვართ ამ თანამშრომლობით. განსაკუთრებით ხაზი მინდა გავუსვა ფონდის თანამშრომლების კვალიფიკაციას, პროფესიონალიზმს, მათ მოტივაციას. ვფიქრობთ, რომ მომოვალშიც გავაგრძელებთ ფონდის მხარდაჭერას და რამდენიმე საინტერესო პროექტს განვახორციელებთ ერთობლივად.“

ფონდ ბილივის საქმიანობის ამოსავალი წერტილი ამ საქმიანობაში ჩართული ყოველი მხარის - დონორების, ბენეფიციარების და მოხალისეების მიმართ პატიოსანი და კეთილსინდისიერი დამოკიდებულებაა, შესაბამისად მსგავსი ტიპის საანგარიშო შეხვედრებს ფონდი მომავალშიც გეგმავს. 


იხილეთ 9 ტალღის მიერ მომზადებული სიუჟეტი ,,ბილივის საანგარიშო შეხვედრა დონორებთან" დაკავშირებით.