ფონდი ,,ბილივი’’, აცხადებს საგრანტო კონკურსის მეორე ეტაპს ქ. ფოთში მოქმედი არასამთავრობო, კერძო და საჯარო სექტორის წარმომადგენელი ორგანიზაციებისთვის. კონკურსის მიზანია ხელი შეუწყოს სოციალურად დაუცველი და შეზღუდული შესაძლებლობის მქონე პირთა საჭიროებებზე მომუშავე ორგანიზაციების საქმიანობას, ახალი იდეებისა და შესაძლებლობების გამოვლენას, ბენეფიციართა ცხოვრების ხარისხის გაუმჯობესებას.

აუცილებელია, საგრანტო განაცხადი შეესაბამებოდეს შემდეგ კრიტერიუმებს:

1) საკონკურსო პროექტში მკაფიოდ უნდა იყოს წარმოდგენილი პროექტის მიზანი და სამიზნე ჯგუფი;
2) პროექტის სიცოცხლისუნარიანობა, ეფექტურობა და მისი გრძელვადიანი შედეგები არგუმენტირებულად უნდა იყოს დასაბუთებული;
3) თითოეული საგრანტო განაცხადით მოთხოვნილი თანხა არ უნდა აღემატებოდეს 4000 ლარს;
4) პროექტისათვის გაწერილი ბიუჯეტის სახელფასო ნაწილი არ უნდა შეადგენდეს მოთხოვნილი თანხის 10% -ზე მეტს.
5) გრანტის საერთო თანხის 25% უნდა იყოს უზრუნველყოფილი საზოგადოების/ჯგუფის მიერ.

კონკურსში მონაწილეობის მისაღებად აუცილებელია დაინტერესებულმა ინდივიდუალურმა პირმა ან ორგანიზაციამ ელექტრონულად შეავსოს საგრანტო განაცხადი.

საკონკურსო განაცხადის ფორმა იხილეთ ბმულზე: http://bit.ly/BelieveGrantApplication

საკონკურსო განაცხადების მიღების ბოლო ვადაა 1 ივნისი.

გისურვებთ წარმატებებს!